Búgvi V. Olsen er partur av høvuðsleiðsluni í Kelduni, har hann hevur verið hjálparpastorur síðan 2017. Áðrenn tað hevur hann m.a. gingið 2 ár á Bíbliuskúla hjá Livets Ord í Uppsala, Svøríki. Frá 2014-2016 arbeiddi hann í samkomuni Livets Ord, sum er ein av størstu samkomunum í Norðurlondum, og er ein av lærarunum á bíbliuskúlanum hjá hesi samkomu.

Hann hevur masterútbúgving í gudfrøði frá Oral Roberts University.

Búgvi er giftur við Biritu og tey eiga trý børn.

Hjartamálini hjá Búgva er:

• Lærisveinaskapur
• Missión
• Leiðsla

Pauli Høj er saman við konuni, Jastrid Høj, samkomuleiðari í Kelduni.

Sum ungur hevur hann gingið á DTS og “School of mission” hjá Ung í Trúarverki (YWAM). Pauli er útbúgvin timburmaður, men hevur seinastu 25 árini verið samkomuleiðari í Kelduni og m.a. gingið undan við byggingini av samkomubygninginum hjá Kelduni.

Pauli hevur diplomútbúgving í “pastoral theology.”

Pauli er giftur við Jastrid og tey eiga 3 børn og 2 abba og ommubørn.

Hjartamálini hjá Paula eru:

• Guds samkoma í Føroyum
• At Føroyar framhaldandi skal byggja á tey kristnu virðini
• At síggja menniskju gjørd tilreiðar til tænastu

Jastrid Høj er saman við manninum, Paula Høj, samkomuleiðari í Kelduni. Hon hevur gingið á DTS og “School of evangelism” hjá Ung í Trúarverki (YWAM). Jastrid hevur staði saman við Paula í leiðslu fyri Kelduni síðani 1997, men síðani 2010 hevur hon verið skúlaleiðari fyri Frískúlan Keldan, sum hon var við til at seta á stovn í 2010.

Jastrid er útbúgvin lærari og hevur eina masterútbúgving innan skúlaleiðslu frá Oral Roberts University.

Jastrid er gift við Paula og tey eiga 3 børn og 2 ommu og abbabørn.

Hjartamálini hjá Jastrid eru:

• Guds nærvera opinbera har menniskju verða frelst, loyst og grødd
• Hjúnarbandið og familjan
• Kristnu virðini verða varðveitt í okkara skúlum, mentan og samfelagi

Ólavur Jacobsen er partur av høvuðsleiðsluni í Kelduni. Hann hevur somuleiðis arbeitt í leiðslu í føroyskum samkomulívi seinastu 20 árini. Eisini hevur hann prædikað og undirvíst Guds orð síðani hann var 16 ára gamal, bæði her í Føroyum og uttanlands.

Ólavur er giftur Liljan og eiga tey 3 børn.

Hjartamálini hjá Ólavi eru:

• At fáa Guds orð út til menniskju
• At tæna teim sjúku við grøðing
• At gera Guds fólk til reiðar til tænastu

Rúni Rasmussen hevur í fleiri ár talað og undirvíst í fleiri samkomum. Hann hevur arbeitt í leiðslu í føroyskum samkomulívi síðan 2000. Rúni er deildarstjóri á Løgmansskrivstovuni. Hann er stjórnmálafrøðingur og hevur eisini BA-útbúgving í søgu.

Rúni hevur skrivað bókina Lívið nær Gudi (2017), Hellenistisk ávirkan í nýggja testamentliga heiminum (2006) og bóklingin Hvar stendur tað? (2003).

Hann er í gongd við eina MA-útbúgving í gudfrøði á University of Chester (fjarlestur).
Rúni er giftur við Noomi og eiga tey tvey børn.

Hjartamálini hjá Rúna eru:

• Veking og samfelagsávirkan
• At menna relatiónina við Gud
• Leiðsla