Búgvi V. Olsen er partur av høvuðsleiðsluni í Kelduni, har hann hevur verið hjálparpastorur síðan 2017. Áðrenn tað hevur hann m.a. gingið 2 ár á Bíbliuskúla hjá Livets Ord í Uppsala, Svøríki. Frá 2014-2016 arbeiddi hann í samkomuni Livets Ord, sum er ein av størstu samkomunum í Norðurlondum, og er ein av lærarunum á bíbliuskúlanum hjá hesi samkomu.

Hann hevur masterútbúgving í gudfrøði frá Oral Roberts University.

Búgvi er giftur við Biritu og tey eiga fýra børn.

Hjartamálini hjá Búgva er:

• Lærisveinaskapur
• Missión
• Leiðsla

Pauli Høj er saman við konuni, Jastrid Høj, samkomuleiðari í Kelduni.

Sum ungur hevur hann gingið á DTS og “School of mission” hjá Ung í Trúarverki (YWAM). Pauli er útbúgvin timburmaður, men hevur seinastu 25 árini verið samkomuleiðari í Kelduni og m.a. gingið undan við byggingini av samkomubygninginum hjá Kelduni.

Pauli hevur diplomútbúgving í “pastoral theology.”

Pauli er giftur við Jastrid og tey eiga 3 børn og 2 abba og ommubørn.

Hjartamálini hjá Paula eru:

• Guds samkoma í Føroyum
• At Føroyar framhaldandi skal byggja á tey kristnu virðini
• At síggja menniskju gjørd tilreiðar til tænastu

Jastrid Høj er saman við manninum, Paula Høj, samkomuleiðari í Kelduni. Hon hevur gingið á DTS og “School of evangelism” hjá Ung í Trúarverki (YWAM). Jastrid hevur staði saman við Paula í leiðslu fyri Kelduni síðani 1997. Hon var við til at seta á stovn Frískúlan Keldan í 2010, og var skúlaleiðari fyri Frískúlan Keldan 2010-2021. Í dag er hon visiónsberi, varaleiðari og lærari á skúlanum.

Jastrid er útbúgvin lærari og hevur eina masterútbúgving innan skúlaleiðslu frá Oral Roberts University.

Jastrid er gift við Paula og tey eiga 3 børn og 2 ommu og abbabørn.

Hjartamálini hjá Jastrid eru:

• Guds nærvera opinbera har menniskju verða frelst, loyst og grødd
• Hjúnarbandið og familjan
• Kristnu virðini verða varðveitt í okkara skúlum, mentan og samfelagi

Ólavur Jacobsen er partur av høvuðsleiðsluni í Kelduni. Hann hevur somuleiðis arbeitt í leiðslu í føroyskum samkomulívi seinastu 20 árini. Eisini hevur hann prædikað og undirvíst Guds orð síðani hann var 16 ára gamal, bæði her í Føroyum og uttanlands.

Ólavur er giftur Liljan og eiga tey 3 børn.

Hjartamálini hjá Ólavi eru:

• At fáa Guds orð út til menniskju
• At tæna teim sjúku við grøðing
• At gera Guds fólk til reiðar til tænastu

Rúni Rasmussen hevur í fleiri ár talað og undirvíst í fleiri samkomum. Hann hevur arbeitt í leiðslu í føroyskum samkomulívi síðan 2000. Rúni er kommunustjóri í Klaksvíkar kommunu. Hann var deildarstjóri á Løgmansskrivstovuni 2009-2021. Hann er stjórnmálafrøðingur og hevur eisini BA-útbúgving í søgu. Hann hevur tikið Graduate Certificate í gudfrøði frá University of Chester. Hann hevur eisini tikið Master of Business Administration (MBA) í boytingar- og innovatiónsleiðslu (York St. John University). 

Rúni hevur skrivað bókina Lívið nær Gudi (2017), Hellenistisk ávirkan í nýggja testamentliga heiminum (2006) og bóklingin Hvar stendur tað? (2003).

Hann hevur síðuna Leiðsla.fo og Facebook Leiðsla.

Rúni er giftur við Noomi og eiga tey tvey børn.

Hjartamálini hjá Rúna eru:

• Veking og samfelagsávirkan
• At menna relatiónina við Gud
• Leiðsla

Carl-Gustaf Severin er evangelistur og bíbliulærari í Lívsins Orð í Uppsala, Svøríki.

Í uml. 50 ár hevur hann ferðast um allan heimin og prædikað trúgv og biðið fyri sjúkum. Hann er serliga kendur fyri sítt arbeiði í fyrrverandi Sovjetsamvaldinum, har hann troyttaleysur ferðaðist inn og út í 90’inum, og ávøksturin av tí arbeiðinum er sera stórur í dag. Hundraðtals evangeliskar samkomur í stórum pørtum av Russlandi eru stovnaðar.

Carl-Gustaf er giftur við Moniku. Tey eiga 5 vaksin børn og fleiri ommu og abbabørn.

Poli Jacobsen 56 ár. Hann hevur verið pastorur í Lívsins Orð í Saltangará seinastu 4 árini.
Poli hevur prædikað og verið virkin í missións- & samkomuarbeiði í 40 ár. Hann hevur prædikað í Skandinavia, Eystur -Evropu, Kina og Pakistan.
Hann er giftur við Ivy, og eiga tey 5 børn.

Hjartamál:

• At reisa menniskju upp
• At vísa menniskjum á Jesus og hvat tey hava í Honum
• At vísa menniskjum kraftina í Guds orði.

Ville Männistö er pastorur og missiónssamskipari í Lívsins Orð í Uppsala, Svøríki.

Hann hevur verið ógvuliga virkin í missión, og hevur búð uttanlands í mong ár.
Hann undirvísir regluliga á bíbliuskúlum um allan heim. Hansara undirvísing er kveikjandi og fylt av trúgv og vón.

Ville og konan hava tvey børn. Tey búgva í Uppsala. Hann hevur skrivað fimm bøkur og hevur sína egnu sjónvarpssending á størstu kristnu sjónvarpsrásini í Skandinavia.

Tummas Jacobsen var pastorur í hvítusunnusamkomuni Filadelfia í Havn í næstan 30 ár. Tummas er framhaldandi partur av leiðsluni. Hann er 70 ár. 

Tummas hevur prædikað og undirvíst í ymiskum samkomum í Føroyum og uttanlands í fleiri enn 40 ár.

Tummas er ein salvaður og gávuríkur lovsangsleiðari, tónleikari og undirvísari. Hann hevur ísínari tænastu samantvinnað tilbiðjan, bøn og undirvísing á ein heilt serstakan hátt, sum hevur nomið menniskju og uppbygt samkomur og kirkjur.

Hann er giftur við Sólrún, og eiga tey trý børn. 

Hjartamál:

• At síggja Guds dýrd og ríki opinberað á jørðini gjøgnum Guds samkomu
• At síggja samkomu Guds vaksa í styrki og ávirkan á alt samfelagið
• At síggja Guds fólk liva í tilbiðjan og skapa eitt umhvørvi, har undur henda
• At síggja Guds fólk vaksa í bøn og myndugleika

Charleston Lim er ein av pastorunum í Heart of God Church í Singapore. úr Singapore, sum telur meiri enn 5.200 fólk. Miðalaldurin í samkomuni er 22 ár. Hann var bara 13 ára gamal, tá hann byrjaði eina skúlaveking á skúlanum, sum hann gekk á, og leiddi hann 40 av sínum vinum, ein-til-ein, til trúgv á Jesus. Sum 21 ára gamal var hann leiðari fyri fleiri enn 1000 fólkum í samkomuni, og hevur hann tænt Harranum fulla tíð síðan hann var heilt ungur.

Charleston hevur eina masterútbúgving í gudfrøði frá Oral Roberts University.

Charleston er giftur við Lynette, og eiga tey eina trý ára gamla dóttur.

Roar Sørensen er ein av stovnarunum og leiðarunum fyri Israel Next, sum hevur til endamáls at undirvísa um Ísrael og jødiska mentan við atliti til ta kristnu trúnna. Hann hevur drúgvar royndir sum undirvísari í ísraelskari mentan og søgu. Hann hevur verið ferðaleiðari í Ísrael í mong ár. Roar hevur búð í Ísrael í átta ár, og tosar hann flótandi hebraiskt og hevur eitt sera gott innlit í ísraelska samfelagið.

Roar hevur bachelor í gudfrøði og masterútbúgvingar í ísraleskari mentan, politikki og samfelagi (Hebrew University Jerusalem).

Roar er giftur við Inger Mette og tey eiga 3 vaksnar døtur.

Hjartamálini hjá Roar eru:

• Taka menniskju við til Ísrael fyri at síggja og uppliva Ísrael
• Deila sakligan og balanseraðan tíðindaflutning úr Miðeysturið
• Geva næsta ættarliðinum kunnleika um týdningin at standa upp fyri Ísrael
• Vísa menniskjum, at Gud elskar bæði jødar og arabar

Høgni Johannesen er giftur við Shamilu Johannesen, og saman hava tey tvey børn.

Høgni hevur í 30 ár virkað sum trúboðari fulla tíð í Suður Asia (Pakistan og India) við Operation Mobilization (OM) og øðrum felagsskapum. Eisini hevur hann virkað í Bretlandi (við OM) og í Føroyum.
Virksemi hansara hevur serliga fevnt um trúboðan millum muslimar, asiatar og um trúarverju.

Í hesum døgum er Høgni eisini virkin í samkomutænastu í Føroyum við denti á lærisveinaskap. Hann partur av leiðsluni í samkomuni Lívdini, Hoyvík.

Høgni hevur lisið á GLO Bíbliuskúlanum, tikið eina BA-útbúgving í gudfrøði frá Glouchester University og eina MA-útbúgving í gudfrøði frá Lampeter University.

Hjartamálini hjá Høgna eru:

• Lærisveinaskapur, sum fevnur um heila menniskjað
• Trúarverja
• Trúboðan

Rói Norðoy er leiðari fyri Open Doors í Føroyum og undirvísari á Vinnuháskúlanum. Eisini virkar hann sum ungdómsleiðari í Soli Deo Gloria. Áðrenn tað var hann og konan, Rebekka Norðoy, samkomuleiðarar í 11 ár.

Rói er útlærdur skipsførari, og hevur lisið gudfrøði á London School og Theology. Aftrat gudfrøðini hevur hann ein yvirbygning í pastoralari sálarviðgerð og sálarrøkt.

Rói er virking kring landið og uttanfyri Føroyar. Hann virkar serliga sterkt innan tað profetiska, og talar inn í lívið hjá menniskjum og samkomum.

Rói hevur skrivað bókina, Kolossebrævið (2010). Eisini skrivar, Rói, um ymisk evnir á heimasíðini, roinordoy.com

Rói er giftur við Rebekku og eigur 4 børn.

Hjartamálini hjá Róa eru:

• at reisa næsta ættarliðið av leiðarum
• at síggja ung eydnast í sínum lívi
• at einleiki og friður valdar millum Guds fólk
• at læra Guds fólk at útleggja og skilja Bíbliuna