Eg síggi fyri mær, at BSK kemur at vera við til at menna og styrkja menniskju í trúnni. Tað persónliga samfelagið við Harran vil blíva enn betri og tann bíbilski grundvøllurin hjá tí einstaka verður víðkaður.
BSK fer at geva menniskjum møguleika at steðga á og søkja Harran, og tær andaligu røturnar fáa neyðugu tíðina at vaksa seg djúpar og sterkar. Menniskju verða gjørd til reiðar til at tæna Harranum við Anda og kraft og vera til signing fyri okkara land og fólk.
Pauli Høj
Samkomuleiðari, Keldan
Hví skal eg koma á BSK?
Endamálið við Bíbliuskúlanum Keldan (BSK) er at menna Guds fólk og at gera tey búgvin til at tæna Gudi. Skúlin skal gera tey før fyri at fremja Guds vilja og at byggja ríki Hansara við Orðsins og Andans leiðslu og kraft.