Skúlaárið 2021-2022

BSK byrjar á heysti 2021. Hetta verður í størstan mun skipað sum kvøldundirvísing. Nakrir undirvísingartímar verða hildnir leygardag.

Undirvísingin fyri skúlaárið verður 14. okt – 12. mai. Niðanfyri sæst, nær einstøku skeiðini byrja og nær umsóknarfreistirnar eru.

Hesi fimm skeiðini verða býtt á 29 hóskvøld og 4 leygardagar.

Kostnaður

Hvørt skeiðið kostar 600 kr. Alt undirvísingartilfar er íroknað. Um ein tekur øll fimm skeiðið, er kostnaðurin 500 kr fyri skeiðið.

Søk á BSK

Tað er lætt at senda umsókn um upptøku á skeiðini hjá BSK. Søk her.

Bíblian
  • Ár: 2021
  • Longd: 12 tímar
  • Í hesum skeiðnum verður m.a undirvíst um, hvussu Bíblian er sett saman, hvønn myndugleika hon hevur í lívinum hjá tí trúgvandi og hví hon ikki kann lesast sum aðrar vanligar bøkur. Eisini verður hugt eftir søguliga og mentanarliga rammuverkinum hjá Bíbliuni, ið fer at gera tað lættari hjá tí einstaka at lesa og skilja Bíbliuna.
  • Undirvísari: Búgvi V. Olsen
  • Skeiðið byrjar 7. oktober
  • Umsóknarfreistin er 26. august
Heilagi Andin
  • Ár: 2021/2022
  • Longd: 16 tímar
  • Á hesum skeiðnum fara vit í fyrsta lagi at hyggja eftir Heilaga Andanum sum persóni, hvør Hann er og hvat Bíblian sigur okkum um Hansara persónleikar. Í øðrum lagi fara vit at hyggja eftir Heilaga Andans nærveru og tænastu í lívinum hjá hvørjum einstøkum trúgvandi, og í triðja lagi fara vit at læra um Hansara verk og tænastu, sum Hann ynskir at útinna ígjøgnum Sítt fólk á jørðini.
  • Undirvísari: Ólavur Jacobsen
  • Skeiðið byrjar 18. november
  • Umsóknarfreistin er 14. oktober
Vekingarsøga
  • Ár: 2022
  • Longd: 18 tímar
  • Endamálið við skeiðnum er at geva luttakarunum eina grundleggjandi vitan um, hvat veking er og hvat eyðkennir kristna veking. Hugt verður at vekingum í Bíbliuni og gjøgnum kirkjusøguna við serligum denti á Heilaga Andans verk. Víst verður á bíbilsku fyritreytirnar fyri veking og samfelagsávirkan. 
  • Undirvísari: Rúni Rasmussen
  • Skeiðið byrjar 13. januar
  • Umsóknarfreistin er 2. desember
Guds persónleiki og eginleikar
  • Ár: 2022
  • Longd: 16 tímar
  • Í hesum skeiðnum verður farið í dýpdina við spurninginum hvør Gud er. Tað verður hugt eftir Hansara eginleikum, sum Gud og Hansara persónleika, sum vit sum menniskju kunnu avspegla okkum í. Tað verður undirvíst um, hvussu Gud hevur opinberað seg gjøgnum Bíbliuna og hvussu Gud framvegis opinberar seg fyri menniskjum í dag. Eisini verður undirvíst um tríeindina.
  • Undirvísari: Búgvi V. Olsen
  • Skeiðið byrjar 3. mars
  • Umsóknarfreistin er 20. januar
Evangelisering
  • Ár: 2022
  • Longd: 12 tímar
  • Undirvísari: Ikki ásett enn
  • Skeiðið byrjar 21. apríl
  • Umsóknarfreistin er 10. mars

Onnur skeið

Leiðslan fyri BSK er í gongd við at áseta, hvørja skeið/evni, sum verða bjóðað út skúlaárið 2022/2023.

Onnur skeið

Umframt skeiðini omanfyri fer BSK í framtíðini at bjóða út undirvísingar við t.d. hesum evnum:

  • Gamla testamenti
  • Nýggja testameni
  • At granska Bíbliuna
  • Systematisk gudfrøði
  • Bøn
  • Rættvísgering og heilaggering
  • Ísrael
  • Myndugleikin hjá hinum trúgvandi
  • Kristið familjulív og virði
  • Trúgv
  • Lovsangur og tilbiðjan
  • Grøðing
  • Heimsáskoðan
  • Kristnitrúgvin og samfelagið