Skúlaárið 2022-2023

BSK fer nú í gongd við sítt annað skúlaár í heyst. Undirvísingin verður sum higartil í størstan mun skipað sum kvøldundirvísing. Nakrir undirvísingartímar verða hildnir leygardag.

Undirvísingin fyri skúlaárið 2022/23 verður 6. okt – 13. mai. Seks skeið verða boðin út.

Kostnaður

Hvørt skeiðið kostar 600 kr. Alt undirvísingartilfar er íroknað. Um ein tekur øll seks skeiðini, er kostnaðurin 500 kr fyri skeiðið.

Søk á BSK her.

 

Kristið familjulív og virðir
  • Ár: 2022
  • Longd: 12 tímar
  • Endamálið við skeiðnum er at geva lutakarunum eina grundleggjandi vitan um familjuna útfrá einum kristnum sjónarhorni.
    Í høvuðsheitum fer skeiðið at snúgva seg um relatiónir og hjúnarband. Hugt verður eftir hvat fólk við nógvum royndum siga og hvat Guds orð lærir okkum um hesi tingini. Undirvíst verður um m.a. um kærleika, virðing, samskifti, opinleika, fyrigeving, álit, samlív, børn og trúgv.
  • Undirvísarar: Pauli og Jastrid Høj
  • Skeiðið byrjar 6. oktober og endar 5. november
  • Umsóknarfreistin er 25. august
Bíblian og pengar
  • Ár: 2022
  • Longd: 11 tímar (stuttskeið)
  • Á hesum skeiði fært tú eitt nágreiniligt innlit í tað, sum Gud lærir okkum viðvíkjandi tí materiella. Vit koma eisini at tosa um, at Gud er áhugaður í at hjálpa okkum við øllum okkara tørvum, og samstundis vil Hann eisini gera okkum til gevarar.
    Vit fáa eina fatan av mongum praktiskum viðurskiftum viðvíkjandi tí at vera ein góður umsitari/húshaldari.
  • Undirvísari: Carl-Gustaf Severin
  • Skeiðið byrjar 17. november og endar 22. november
  • Umsóknarfreistin er 6. oktober

Skeiðið verður á enskum, men umsett til føroyskt

Myndugleikin hjá tí trúgvandi
  • Ár: 2022/2023
  • Longd: 14 tímar
  • Skeiðið snýr seg um andaliga myndugleikan, sum ein og hvør trúgvandi hevur fingið ígjøgnum Jesu fullgjørda verk. Ígjøgnum Hansara deyða og uppreisn hava vit fingið myndugleika at brúka Hansara navn. Vit fara í dýpdina við spurningum sum: hvat hendi tá ið Jesus doyði og reis upp aftur? hvønn myndugleika hava vit? hví hava vit henda myndugleikan, og hvussu brúka vit myndugleikan? Eisini verður hugt at, hvønn týdning navnið Jesus hevur og hvør okkara andaligi fíggindi er.
  • Undirvísari: Poli Jacobsen
  • Skeiðið byrjar 1. desember og endar 21. januar
  • Umsóknarfreistin er 6. novembur
Blóðsáttmáli
  • Ár: 2023
  • Longd: 11 tímar (stuttskeið)
  • Alt, ið Gud ger, ger Hann ígjøgnum sínar sáttmálar. Í hesum skeiði hyggja vit at, hvussu Guds frelsuætlan við Jesusi er at síggja ígjøgnum alla Bíbliuna. Ígjøgnum Jesus hava vit ein nýggjan sáttmála, sum verður gjørdur livandi við Heilaga Andanum í lívi okkara.
  • Undirvísari: Ville Männistö
  • Skeiðið byrjar 2. februar og endar 7. februar
  • Umsóknarfreistin er 5. januar

Skeiðið verður á enskum, men umsett til føroyskt

Lovsangur og tilbiðjan
  • Ár: 2023
  • Longd: 12 tímar
  • Skeiðið fer at viðgerða grundleggjandi fatan av lovsangi. Men vit fara eisini í djúbdina við at fata relatiónina millum Gud og menniskjað. Umframt at undirvísa um lovsangstænastu, fara vit eisini at undirvísa um lovsang og tilbiðjan sum ein lívsstíl. Vit fara eisini at praktisera, so vit læra at draga Himmalin niður á jørðina. Endamálið er, at luttakarin verður sannur tilbiðari.
  • Undirvísari: Tummas Jacobsen
  • Skeiðið byrjar 2. mars og endar 25. mars 
  • Umsóknarfreistin er 19. januar

 

Nýggja testamenti
  • Ár: 2023
  • Longd: 14 tímar
    Í hesum skeiðinum verður m.a. hugt at, hvussu Nýggja Testamenti er sett saman. Tað verður ein stutt lýsing av øllum bókunum í Nýggja Testamenti. Serligt fokus verður lagt á læruna í evangeliunum og í brøvunum hjá Paulusi. Eisini verður hugt eftir leiklutinum hjá fyrstu ápostlunum og grundvøllinum, ið teir løgdu.
  • Undirvísari: Búgvi V. Olsen
  • Skeiðið byrjar 13. apríl og endar 13. mai  
  • Umsóknarfreistin er 3. mars

Skeið

Her sæst yvirlit yvir skeið á BSK.

Skeið á BSK

Umframt skeiðini omanfyri fer BSK í framtíðini at bjóða út undirvísingar við t.d. hesum evnum:

  • Bíblian (var skúlaárið 2021/22)
  • Heilagi Andin (var skúlaárið 2021/22) 
  • Vekingarsøga (var skúlaárið 2021/22)
  • Guds eginleikar og persónleiki (var skúlaárið 2021/22)
  • Evangelisering (var skúlaárið 2021/22)
  • Gamla testamenti
  • Nýggja testameni
  • At granska Bíbliuna
  • Systematisk gudfrøði
  • Bøn
  • Rættvísgering og heilaggering
  • Ísrael
  • Myndugleikin hjá hinum trúgvandi
  • Kristið familjulív og virði
  • Trúgv
  • Lovsangur og tilbiðjan
  • Grøðing
  • Heimsáskoðan
  • Kristnitrúgvin og samfelagið