Stutt um dagbíbliuskúlan

Á BSK fært tú ein framúr møguleika at brúka tíð saman við Jesusi í einum umhvørvi, sum leggur dent á bíbliutrúgva undirvísing í Heilaga Andans nærveru og í tilbiðjan.

Skúlin byrjar 1. september 2026 og endar 28.  mai í 2027. Undirvísingarnar vera gerandisdagar fyrrapartar. Sostatt ber til at ganga á BSK og samstundis arbeiða seinnapart.

Á skúlanum eru nógvir ymiskir lærarar, sum tó hava til felags hetta greiða mál: at hjálpa tær at vaksa í tínum andaliga lívi og gera teg búnan at tæna í Guds ríki.

Á leið 30 ymisk undirvísingarevni eru á skrá gjøgnum skúlaárið.

Ein týðandi partur av skúlaskeiðnun er missiónsferð til Evropu, har næmingar fara út at tæna og boða gleðiboðskapin. Eisini verður túrur til Ísraels partur av skúlaskeiðnum (um trygdarstøðan ikki loyvir tí, verður annað viðkomandi og spennandi ferðastað funnið).

Luttøka á BSK er ein íløga í títt andaliga lív og framtíð.

Aldursmark

Næmingur skal fylla 18 ár í skúlaárinum.

Kostnaður

Skúlagjaldið er 3.500 kr. um mánaðin. Afturat hesum kemur ísraelstúrurin, sum er mettur at kosta uml. 20.000 kr. Missiónstúrurin er mettur er at kosta uml. 7.000-8.000 kr.

Skrá fyri skúladag

Skráin fyri ein vanligan bíbluskúladag er henda:

Kl. 08.30 - 09.00 Bøn og lovsangur

Kl. 09.00 - 09.45 Undirvísing 1

Kl. 09.45 - 10.00 Steðgur

Kl. 10.00 - 10.45 Undirvísing 2

Kl. 10.45 - 11.00 Steðgur

Kl. 11.00 - 11.45 Undirvísing 3

Kl. 11.45 Dagurin endar

Leinkja til andaligan vegleiðara: www.bsk.fo/vegleidari